Skip to content

ᐊᐅᓚᑦᑎᓂᐅᔪᖅ ᓇᓄᖅ ᑲᑎᖅᓱᐃᕗᖅ ᑲᑎᙵᓂᐅᔪᓂᑦ

ᐅᖃᓗᒡᕕᐅᖕᒪᑕ 1 ᑲᓇᑕᒥ ᐅᓇᑕᖅᑐᒃᓴᙳᐊᓂᑦ ᓇᐅᑦᑎᖅᓱᖅᑎᐅᔪᓂ ᑲᑎᙵᓂᐅᔪᓂᑦ ᐊᖓᔪᖅᑳᖃᕐᕕᖓᓐᓂ ᔭᓗᓇᐃᕝᒥ ᐊᐱᕆᓪᓗᑎᒃ ᒨᓯᓯ ᐃᖃᖅᓴᕐᒥ ᐃᒡᓗᓕᖕᒥᐅᑕᐅᔪᒥ ᐃᑭᒪᖃᑕᐅᔪᒪᖕᒪᖔᑦ ᑕᕆᐅᕐᒥ ᐅᒥᐊᕐᔪᐊᒥᑦ, ᑭᐅᓂᖓ ᐊᔪᕐᓇᓚᐅᙱᓚᖅ.

ᑲᓇᑕᒥ ᐅᓇᑕᖅᑐᒃᓴᙳᐊᑦ ᒨᓯᓯ ᐃᖃᖅᓴᖅ ᐃᒡᓗᓕᖕᒥᐅᑕᖅ ᐊᒻᒪ ᔭᐃ ᕿᓕᖅᑎ ᑲᖏᖅᖢᒑᐱᖕᒥᐅᑕᖅ – ᐅᕙᓂ ᑕᑯᒃᓴᐅᑎᑕᐅᔪᑦ ᖃᖓᑦᑕᕐᕕᖓᓐᓂ ᓇᑎᖓᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᒥᐊᕐᔪᐊᖓᓐᓂ HMCS Charlottetown ᑭᓴᖅᓯᒪᓚᐅᖅᐳᖅ ᐃᖃᓗᐃᑦ ᑲᖏᖅᓱᕐᔪᐊᖓᓂ ᐋᒍᔅᑎ 27−ᖑᑎᓪᓗᒍ – ᐱᓇᓱᐊᕈᓯᑲᓴᖕᓂ ᒪᕐᕉᖕᓂ ᐃᑭᒪᓚᐅᖅᐳᑦ ᐅᒥᐊᕐᔪᐊᒥ.

"ᐊᖏᓚᐅᖅᐳᖓ," ᐃᖃᖅᓴᖅ ᐅᖃᓚᐅᖅᐳᖅ, ᐃᒃᓯᕚᖅᖢᓂ ᖃᖓᑕᓲᓄᑦ ᓇᑎᖓᓐᓂ HMCS Charlottetown−ᒥ ᑭᓴᖅᓯᒪᓪᓗᓂ ᐃᖃᓗᐃᑦ ᑲᖏᖅᓱᕐᔪᐊᖓᓂ.

ᐃᖃᓗᖕᓄᐊᓚᐅᖅᐳᖅ ᖃᖓᑕᓲᒃᑯᑦ ᐋᒍᔅᑎ 13−ᒥ, ᐊᒻᒪ ᑲᑎᖃᑎᒋᔭᐅᓚᐅᖅᐳᖅ ᐅᓇᑕᖅᑐᒃᓴᙳᐊᖃᑎᒥᓂᑦ ᔭᐃ ᕿᓕᖅᑎᒥ ᑲᖏᖅᖢᒑᐱᖕᒥᐅᑕᖅ ᒪᕐᕉᓪᓗᑎᒃ ᐃᓚᒋᔭᐅᓪᓗᑎᒃ ᑲᓇᑕᒥ ᐅᓇᑕᖅᑐᒃᓴᓂ ᐃᓚᐅᖃᑕᐅᔪᓂ ᑲᓇᑕᒥᐊᐅᓚᑕᐅᓂᖅ ᓇᓄᖅ 2018−ᒥ, ᑲᑐᔾᔭᐅᓪᓗᓂ ᐊᒃᓱᕈᕈᑕᐅᔪᒥ ᑲᓇᑕᐅᑉ ᐊᔾᔨᒌᙱᕈᓘᔭᖅᑐᓂ ᓴᐳᔾᔨᓯᒪᓂᐅᔪᒥ ᑲᑎᙵᓂᐅᔪᓄᑦ. ᐊᐅᓚᑕᐅᓂᐅᔪᖅ ᐱᓕᕆᓂᖃᓲᖑᕗᖅ ᐊᕐᕌᒍᑕᒫᑦ ᐅᑭᐅᖅᑕᖅᑐᓕᒫᒥ.

ᖃᐅᔨᒪᔨᕐᔪᐊᖑᓪᓗᑎᒃ ᐅᑭᐅᖅᑕᖅᑐᒥ, ᐃᖃᖅᓴᖅ ᐊᒻᒪ ᕿᓕᖅᑎ ᐅᐱᒋᔭᐅᒋᓐᓇᓚᐅᖅᐳᑦ ᐊᔪᙱᓐᓂᖏᓐᓂ ᐃᖅᑲᓇᐃᔭᖅᑎᐅᔪᓄᑦ ᐃᑭᒪᔪᓄᑦ ᐅᓇᑕᖅᑐᒃᓴᒧᑦ ᐅᒥᐊᕐᔪᐊᒥ. ᓇᓄᕐᓄᑦ ᓇᐅᑦᑎᖅᓱᖅᑎᐅᓚᐅᕆᕗᑦ ᑕᐃᑲᓂ ᖃᖓᑕᓲᓄᑦ ᐅᓇᑕᖅᑐᒃᓴᙳᐊᓂ ᑕᖕᒫᕐᕕᖓᓐᓂ.

ᑕᒪᓐᓇ ᐱᓕᕆᓂᐅᔪᖅ ᐅᑭᐅᖅᑕᖅᑐᒥ ᐊᐅᓚᑕᐅᓂᐅᔪᒥ ᐱᓕᕆᐊᖑᓂᐊᓚᐅᕋᓗᐊᖅᐳᖅ ᑕᓪᓗᕈᒻᒥ ᐅᖓᓯᖕᓂᖅᓴᐅᔪᒥ ᐅᐊᖕᓇᒧᑦ, ᑭᓯᐊᓂ HMCS Charlottetown ᐊᖓᔪᖅᑳᖓ ᓇᐃᑕᓐ ᑎᓯᒃᑯ ᐅᖃᓚᐅᖅᐳᖅ ᓯᑯ ᑕᓪᓗᕈᑎᐅᑉ ᐃᒪᖓᓐᓂ ᐃᔾᔪᔪᒻᒪᕆᐅᓚᐅᕐᒪᑦ ᑕᒪᑐᒪᓂ ᐊᕐᕌᒍᒥ ᓯᕗᓪᓕᖅᐹᖑᓪᓗᓂ ᖃᔅᓯᒐᓚᖕᓂ ᐊᕐᕌᒍᓂᑦ, ᐊᒻᒪ ᐅᒥᐊᕐᔪᐊᖓ ᓯᑯᒥ−ᓱᕋᑦᑎᕆᔨᐅᒋᓚᖅ ᐅᒥᐊᕐᔪᐊᖑᓪᓗᓂ.

ᐃᖃᖅᓴᖅ ᐅᖃᓚᐅᖅᐳᖅ ᐱᓕᕆᓂᐅᔪᖅ ᐅᓇᑕᖅᑐᒃᓴᓂ ᐅᕙᓂ ᐊᐅᓪᓛᕐᓂᐅᔪᒥ ᐊᔪᕐᓇᕐᓂᖅᓴᒻᒪᕆᐅᓚᐅᖅᐳᖅ ᓯᕗᓂᐊᓂ ᓇᓄᖅ ᐊᑐᕐᓂᑯᖏᓐᓂ ᐱᔾᔪᑎᖃᖅᖢᓂ, ᑕᐃᒪᓐᓇᐅᙱᑦᑐᖅ ᐅᑭᐅᒃᑯᑦ ᐊᐅᓚᑕᐅᓂᐅᔪᒥ, ᐅᓇᑕᖅᑐᒃᓴᓂ ᐃᖅᑲᓇᐃᔭᖅᑎᖏᑦ ᐱᖁᑎᒥᖕᓂ ᐊᒡᔭᖅᑐᐃᔭᕆᐊᖃᓚᐅᕐᒪᑕ ᑐᓄᖓᓐᓂ ᐅᓯᓕᖅᓱᖅᑕᐅᓇᑎᒃ ᖃᒧᑏᖕᓄᑦ.

ᑕᒪᒃᑭᑦ ᐊᖑᑏᑦ, ᑲᑎᖦᖢᒍ ᐊᕐᕌᒍᑲᓴᖕᓂ 50−ᓂᑦ ᐱᓕᕆᓕᒪᓂᖃᖅᐳᑦ ᐅᓇᑕᖅᑐᒃᓴᙳᐊᓂᑦ, ᐅᖃᓚᐅᖅᐳᑦ ᐊᖏᔪᒻᒪᕆᐊᓗᖕᒥ ᐅᓇᑕᖅᑐᒃᓴᒧᑦ ᐅᒥᐊᕐᔪᐊᒥ ᖁᕕᐊᓇᓚᐅᖅᐳᖅ.

"ᐃᓕᑦᑎᕐᔪᐊᓚᐅᖅᐳᒍᑦ ᐃᓄᖕᓂ ᐅᒥᐊᕐᔪᐊᒥ," ᐅᖃᓚᐅᖅᐳᖅ ᕿᓕᖅᑎ, ᐃᓚᒋᐊᖅᓯᓪᓗᓂ ᐅᒥᐊᕐᔪᐊᕐᒥᐅᑕᐅᓪᓗᑎᒃ ᐱᓇᓱᐊᕈᓯᑲᓴᖕᓂ ᒪᕐᕉᖕᓂ ᐱᐅᓚᐅᖅᐳᖅ.

ᓅᒃ, ᑲᓛᖦᖠᐅᑉ ᓄᓈᓐᓄᙵᐅᓂᖅ, ᐃᓚᒋᔭᐅᖃᓯᐅᑎᓚᐅᖅᐳᖅ ᐊᐅᓪᓛᕐᓂᐅᔪᒥ ᐃᖃᖅᓴᕐᒧᑦ ᐊᒻᒪ ᕿᓕᖅᑎᒧᑦ.

"ᓯᕗᓪᓕᖅᐹᕆᓪᓗᑎᒍᑦ ᑲᓛᖦᖠᐅᑉ ᓄᓈᓐᓄᙵᐅᓂᖃᓚᐅᖅᐳᒍᑦ," ᐅᖃᓚᐅᖅᐳᖅ ᐃᖃᖅᓴᖅ.

HMCS Charlottetown ᐊᐅᓪᓚᓚᐅᖅᐳᖅ ᕼᐋᓕᕚᒃᔅ, ᓅᕙ ᔅᑯᓴᒥ, ᐋᒍᔅᑎ 8−ᒥ, ᓯᕗᓪᓕᖅᐸᐅᔪᒥ ᓄᖅᑲᖅᖢᑎᒃ ᓴᐃᓐᑦ ᔮᓐᔅ, ᓅᕙᓐᓛᓐᒥ, ᑕᕆᐅᕐᒥ ᑲᓇᑕᐅᑉ ᒪᓕᒐᓕᐅᖅᑎᖏᑕ ᐱᓕᕆᐊᖑᔪᓂ ᐃᓚᐅᖃᑕᐅᔪᓂ ᐅᐸᒃᓯᓚᐅᖅᐳᑦ ᐱᓕᕆᔨᐅᔪᓄᑦ ᐃᑭᒪᔪᓄᑦ. ᑕᐃᑰᓇ ᐱᓕᕆᐊᖑᔪᒥ, ᑲᓇᑕᒥ ᓯᕗᓕᐅᖅᑏᑦ ᓇᒥᑐᐃᓐᓇᖅ ᒐᕙᒪᖃᐅᑎᓄᑦ ᓇᓗᓇᐃᒃᑯᓯᖅᓯᒪᔪᓂ ᓴᖅᑭᑎᕝᕕᐅᓚᐅᖅᐳᑦ ᑕᕆᐅᕐᒥ ᐅᓇᑕᖅᑐᒃᓴᒃᑯᑦ ᐱᓕᕆᓲᖑᓂᖏᓐᓂ ᑕᕆᐅᕐᒥ.

"ᐊᒥᓲᙱᑦᑐᑦ ᑲᓇᑕᒥᐅᑕᓂ ᖃᐅᔨᒪᓂᖃᖅᐳᑦ ᑕᕆᐅᕐᒥ ᐅᓇᑕᖅᑐᒃᓴᖃᕐᓂᑦᑎᓐᓂ," ᐅᖃᓚᐅᖅᐳᖅ ᑎᓯᒃᑯ.

ᑕᒪᓐᓇ ᐃᓚᖓᓐᓂ ᐃᖏᕐᕋᓂᐅᔪᒥ ᐃᓚᖃᓚᐅᖅᐳᖅ ᓄᓇᕐᔪᐊᒥ ᐃᓚᐅᖃᑕᐅᓂᐅᔪᓂ ᑕᐃᓂᔅ ᑕᕆᐅᕐᒥ ᐅᓇᑕᖅᑐᒃᓴᖓᓐᓂ ᐊᒻᒪ ᐊᒥᐊᓕᑲᒥ ᖃᖓᑕᓲᓄᑦ, ᐊᒻᒪ ᐊᖅᑲᐅᒪᓲᓂ ᐅᓇᑕᕐᓂᐅᔪᒥ ᖃᐅᔨᔭᐅᑦᑕᐃᓕᒪᔪᓂ ᖁᑭᐅᓯᕆᓂᕐᒥ, ᖃᐅᔨᓴᐃᓂᐅᔪᒥ ᐊᒻᒪ ᐃᑭᒪᓂᕐᒧᑦ ᐱᓕᒻᒪᒃᓴᕐᓂᐅᔪᓂᑦ ᑖᒃᑯᓇᙵᑦ.

ᓗᑕᓇᑦ ᑲᒫᓐᑐᕐ ᐊᐃᑐᕆᐋᓄ ᓘᓱᕐ ᐅᖃᕆᐊᓪᓚᓚᐅᖅᐳᖅ ᑲᓇᑕᒥ ᑕᕆᐅᕐᒥ ᐅᓇᑕᖅᑐᒃᓴᖓᑦ ᐸᕐᓇᒃᓯᒪᐃᓐᓇᐅᔭᖅᐳᑦ.

HMCS Charlottetown – ᐊᑕᐅᓯᐅᔪᖅ 12−ᓂ ᑲᓇᑕᒥ ᑕᕆᐅᕐᒥ ᐅᓇᑕᖅᑐᒃᓴᓂ ᕼᐋᓕᕚᒃᔅᒥ-ᓇᓗᓇᐃᒃᑯᓯᖅᓯᒪᔪᓂ ᐅᓇᑕᖅᑐᒃᓴᓂ ᐅᒥᐊᕐᔪᐊᓂᑦ ᐊᖅᑲᐅᒪᔪᓂ, ᖃᖓᑕᓲᓂ ᐊᒻᒪ ᐅᒥᐊᕐᔪᐊᕐᓂ ᖃᐅᔨᔭᐅᑦᑕᐃᓕᒪᓂᖃᖅᑐᓂ ᐱᔪᓐᓇᕐᓂᖃᖅᑐᓂ – ᐱᒋᐊᖅᑎᑕᐅᒑᖓᑦ, 50 ᐳᓴᓐᑎᖓᓂ ᐅᒥᐊᕐᔪᐊᕐᒥ ᐃᖅᑯᒪᔪᖃᐃᓐᓇᐅᔭᖅᐳᖅ.

"ᐊᑐᖅᑕᐅᓂᐅᔪᖅ ᐃᑲᕐᕋᓂ 7−ᓂ ᐱᓕᕆᓪᓗᑎᒃ, ᐃᑲᕐᕋᓂ 7−ᓂ ᓄᖅᑲᖓᓪᓗᑎᒃ, ᐃᑲᕐᕋᓂ 5−ᓂ ᐃᖅᑲᓇᐃᔭᖅᖢᑎᒃ, ᐃᑲᕐᕋᓂ 5−ᓂ ᓄᖅᑲᖓᓪᓗᑎᒃ. ᑕᐃᒪᐃᑉᐳᖅ ᖃᖓᑐᐃᓐᓇᑦᑎᐊᖅ, ᐱᕙᓪᓕᐊᓂᖃᖅᐸᑦ ᓱᒃᑲᔪᒻᒪᕆᐊᓗᖕᒥ, ᐅᐸᓗᖓᕈᓐᓇᕐᓂᐊᖅᐳᑎᑦ. ᐊᑐᓂ ᐃᓂᐅᔪᖅ ᐃᓐᓄᒃᑕᐅᓯᒪᕗᖅ, ᐱᔭᕆᐊᖃᖅᑕᕐᓂ ᓯᒡᔭᖓᓃᑎᓪᓗᑎᑦ ᓯᐅᕆᐊᒥ, ᓇᒥᑐᐃᓐᓇᖅ ᐅᓇᑕᕐᔪᐊᕐᓂᖃᖅᑐᓂ," ᐅᖃᓚᐅᖅᐳᖅ ᓘᓱᕐ.

ᑲᓇᑕᐅᑉ ᒪᓕᒐᓕᐅᖅᑎᖏᑦ ᓂᐅᓚᐅᖅᐳᑦ HMCS Charlottetown−ᒥ ᐃᖃᓗᖕᓂ, ᐊᒻᒪ ᑲᑎᙵᓂᐅᔪᓂ ᑲᓇᑕᒥ ᓴᓇᔭᐅᕙᓪᓕᐊᔪᓄᑦ ᓯᕗᓕᐅᖅᑎᐅᔪᑦ ᐃᑭᖔᓚᐅᖅᐳᑦ. ᑕᐃᑲᙵᑦ HMCS Charlottetown ᑐᕌᓕᓚᐅᖅᐳᖅ ᓅᒃᒧᑦ.

"ᑕᐅᑐᒃᑕᑐᐊᖃᑲᐃᓐᓇᕐᓂᖓ ᑕᐃᒪᓐᓇᐅᖏᓐᓇᓚᐅᖅᐳᖅ – ᑕᑯᒃᓴᐅᑎᑦᑎᓂᕐᒥ ᖃᓄᐃᓕᐅᖅᐸᖕᓂᑦᑎᓐᓂ ᑕᕆᐅᕐᒥ," ᐅᖃᓚᐅᖅᐳᖅ ᑎᓯᒃᑯ.

"ᐊᒻᒪ ᑕᒪᓐᓇ ᐃᓚᖓᓐᓂ ᐊᐅᓪᓛᕐᓂᖓᓂ ᐊᔾᔨᐅᙱᒐᓚᓚᐅᖅᐳᖅ ᐹᖅᓯᓂᖃᕐᔪᐊᓕᓚᐅᕋᑦᑕ ᓯᑯᒥᑦ. ᑕᑯᕙᓪᓕᐊᓕᓚᐅᖅᐳᒍᑦ ᐅᑭᐅᖅᑕᖅᑐᒥ ᓄᓇᖓᓐᓂ ᐃᒪᖓᓐᓂᓗ ᓂᕆᐅᒋᓇᔭᖅᑕᕐᓂᑦ."

ᐊᐅᓪᓛᕐᓂᖅ ᐃᓕᓴᐃᓚᐅᖅᐳᖅ ᐃᓄᑐᐃᓐᓇᓂ ᐃᑭᒪᔪᓂᑦ ᐱᓪᓚᕆᐅᓂᐅᔪᓂ ᐊᒻᒪ ᐊᒃᓱᕈᕈᑕᐅᕙᒃᑐᓂ ᐊᐅᓚᑦᑎᓂᕐᒥ ᐅᑭᐅᖅᑕᖅᑐᒥ.

ᓲᕐᓗ, ᑎᓯᒃᑯ ᐅᖃᕆᐊᓪᓚᓚᐳᖅᐳᖅ ᐊᒥᓱᐊᓗᖕᓂ ᓇᔪᒐᖓᓐᓂᓪᓗ ᓯᓚᖁᑎᖏᓐᓂᓪᓗ ᖃᐅᔨᓴᕐᓂᕐᒥ−ᐳᓚᕋᖅᑐᓕᕆᓂᐅᔪᒥ ᖃᓄᐃᓕᐅᕐᓂᐅᔪᓂᑦ ᐊᒻᒪᓗᑦᑕᐅᖅ ᐊᓯᖏᓐᓂ ᐅᓯᑲᑦᑕᕐᓂᐅᔪᓂ ᖃᓄᐃᓕᐅᕐᓂᐅᔪᓂᑦ, ᐊᒻᒪ ᐅᒥᐊᕐᔪᐊᖅ ᐃᖏᕐᕋᙱᑎᓪᓗᒍ ᐃᓂᐅᔪᒥ Akademik Ioffe ᐃᒃᑲᓐᓂᐅᔪᒥ ᐊᔪᖅᓯᓯᒪᑎᓪᓗᒍ ᑰᒑᕐᔫᑉ ᖃᓂᒋᔭᖓᓂ ᐋᒍᔅᑎ 24−ᒥ, ᐊᔪᕐᓇᙱᑦᑐᒥ ᐃᖏᕐᕋᓂᖃᕈᓐᕋᔭᓚᐅᖅᐳᖅ.