ᑐᓴᐅᒪᑎᑦᑎᓂᖅ ᐊᑦᑕᓇᖅᑐᒦᑎᑦᑎᑦᑕᐃᓕᒪᓂᕐᒥᒃ ᐅᖃᐅᓯᕐᒥᒃ

136
ᑲᖏᖅᖠᓂᐅᑉ ᖃᑉᑎᕆᔨᖏᑦ ᐊᑭᓕᖅᑐᖅᑕᐅᙱᖦᖢᑎᒃ ᐱᓕᕆᕙᒃᑐᑦ ᐅᖃᓪᓚᒋᐊᖅᑐᖅᓯᒪᓚᐅᖅᑐᑦ ᐃᑭᑦᑐᖃᖅᑎᑦᑎᑦᑕᐃᓕᒪᓂᕐᒧᑦ ᐃᓕᓐᓂᐊᖅᑐᓄᑦ ᑲᖏᖅᖠᓂᕐᒥ ᐃᑭᑦᑐᖃᖅᑎᑦᑎᑦᑕᐃᓕᒪᓂᕐᒧᑦ ᐱᓇᓱᐊᕈᓯᖅ ᑐᕌᖓᓂᖃᓚᐅᖅᑎᓪᓗᒍ ᓄᓇᓕᖕᒥ ᐅᑭᐅᓖᑦ 7-ᒥ 13-ᒧᑦ. ᑲᖏᖅᖠᓂᕐᒥ ᖃᑉᑎᕆᔨᒃᑯᑦ ᐊᖓᔪᖅᑳᕐᔪᐊᖓ ᒪᑯᓯ ᕙᐃᔭᑦ ᐅᖃᓚᐅᖅᑐᖅ ᑕᓪᓕᒪᒡᒎᖅ ᖃᑉᑎᕆᔩᑦ ᐅᖃᓪᓚᓚᐅᖅᑐᑦ ᐃᓕᓐᓂᐊᖅᑐᓄᑦ ᓯᕗᓕᖅᑎᒋᔭᐅᑉᓗᓂ ᑲᑦᑐᓕᒃ ᑕᑎ – ᖃᕝᕖᑦᑐᖅ. “ᐃᑭᑎᑦᑎᑦᑕᐃᓕᒪᓂᕐᒧᑦ ᐃᑲᔫᑏᑦ ᐃᑲᔪᖅᐹᓪᓕᖅᓯᒪᔫᔭᖅᑐᑦ ᐃᑭᑦᑐᖃᕋᔪᙱᓐᓂᖅᓴᐅᓕᖅᑎᓪᓗᒍ, ᑕᒫᓂᑐᐃᓐᓇᐅᙱᑦᑐᖅ ᐅᑭᐅᖅᑕᖅᑐᒥ ᑭᓯᐊᓂᓕ ᑲᓇᑕᓗᒃᑖᒥ,” ᑕᐃᒪᓐᓇ ᐅᖃ ᖅᖢᓂ ᕙᐃᔭᑦ. ᐅᖃᖅᖢᓂᓗ ᖁᔭᓕᓯᒪᑦᑎᐊᖅᑐᕉᖅ ᐱᓕᕆᓯᒪᓂᖏᓐᓄᑦ ᖃᑉᑎᕆᔩᑦ ᐃᑲᔪᐃᓐᓇᕐᒪᑕ ᖃᑉᑎᕆᔨᒃᑯᑦ ᖃᓄᐃᓕᐅᖅᑎᑦᑎᕈᓘᔭᖅᑎᓪᓗᒋᑦ ᐃᑭᑦᑐᖃᖅᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᕐᒥ. “ᑲᑦᑐᓕᒃ (ᑕᑎ-ᖃᕝᕖᑦᑐᖅ) ᐱᓕᕆᑦᑎᐊᖅᑐᒻᒪᕆᐊᓘᓚᐅᖅᑐᖅ ᓄᑕᖅᑲᓄᑦ...